Burlatako kultur etxea - sarrerak

Samy Khalilen zuzendaritzapean eta Nourdin Batan aktorearen eskutik oholtzan, Beiruten jaiotako eta jatorri palestinarreko Ismail Khalidi antzerkigilearen bakarrizketa honek (poetikoa, gordina, umorez zipriztindua eta sakonki politikoa) ahotsa ematen dio okupazioari, erbestealdiari eta ahanzturari aurre egiten hamarkadak daramatzan herri baten isilarazitako gatazkari. Palestinako futbolari gazte baten ahotsa da: baloia ezkutu gisa hartuta, harresiak, kontrol militarrak eta oinordetzan jasotako orbainak zeharkatzen ditu, ia ezinezkoa dirudien baina ezinbestekoa den ahalegin batean: bere selekzioa Munduko Kopara eramatea.